Hvað er það við staði sem lætur okkur langa til að setjast niður, staldra við og jafnvel hefja samtal við ókunnuga manneskju?

Stofan | A Public Living Room var samsköpunarverkefni til þriggja ára frá 2021 til 2024 þar sem ólíkir einstaklingar eða hópar fengu frjálsar hendur á bókasafninu til endurskapa valið rými eftir sínu höfði og búa til eigin útgáfu af samfélagstorgi. Í tilraunaferlinu var höfðað til ólíkra skynfæra, rýnt í hugmyndir um hlutlaust rými, vellíðan og óskrifaðar reglur bókasafna sem tengjast viðurkenndri hegðun á slíkum stað.  

Í Stofunni höfum við meðal annars stigið trylltan dans, frætt okkur um réttindi, rasisma og loftlagsmál, deilt mat og menningu, sagt persónulegar sögur, farið í sturtu, aukið skynbragðið, dvalið í þögn, ímyndað okkur nýjar framtíðir og endurhlaðið batteríin.   

Hughrifsveggur Stofunnar var settur upp í lok verkefnis með samansafni af fjölbreyttum útgáfum af samfélagstorgi framtíðarbókasafnsins - af stað þar sem þú getur hafið samtal; miðlað óháð tungumáli og síðast en ekki síst hlúð að samfélaginu - share the care. 

Hver einstök Stofa | A Public Living Room var skrásett í máli, myndum og hljóðupptökum.

Hlustaðu - Nokkur af samtölunum í Stofunni og skoðaðu þig um í ólíkum Stofum í yfirlitinu til hliðar.

Verkefnið er styrkt af Bókasafnasjóði.

Frekari upplýsingar
Dögg Sigmarsdóttir
Verkefnastjóri | Borgaraleg þátttaka
dogg.sigmarsdottir@reykjavik.is

Martyna Karolina Daniel
Sérfræðingur | Fjölmenningarmál
martyna.karolina.daniel@reykjavik.is