Rafbókasafnið

Rafbókasafnið

Borgarbókasafnið á mikið safn prentaðra bóka og hér á vefnum er auðvelt fyrir notendur að finna spennandi efni, taka það frá og sækja í það safn sem þeim hentar. Við veitum líka aðgang að efni á stafrænu formi, sem er hægt að nálgast hvenær sem er í tölvu, spjaldtölvu eða síma. 

Ef þú átt kort hjá Borgarbókasafninu hefur þú aðgang að Rafbókasafninu, www.rafbokasafnid.is, og þar færðu aðgang að stóru safni rafbóka og hljóðbóka þar sem finna má glæpi, ástir, ævintýri, ævisögur, uppskriftir og innhverfa íhugun. Þú getur lesið rafbækurnar eða hlustað á hljóðbækurnar á vefnum eða í Libby appinu sem hægt er að hlaða niður á öll helstu snjalltæki. 

Kostar aðgangur að Rafbókasafninu?

Ef þú átt bókasafnskort hjá Borgarbókasafninu, eða öðrum aðildarsöfnum Rafbókasafnsins, færð þú frían aðgang að Rafbókasafninu! Sjá lista yfir aðildarsöfn hér.

Hvernig fæ ég aðgang að Rafbókasafninu?

Safnið finnurðu á www.rafbokasafnid.is og þar einfalt skráningarferli. Nota þarf númerið á bókasafnskortinu og PIN-númerið til þess að virkja aðganginn. Til þess að nota Rafbókasafnið í síma eða í spjaldtölvunni mælum við með appinu Libby sem er frítt á iTunes, Google Play (Android) og í verslun Microsoft Store (Windows 10)

Nánari leiðbeiningar fyrir Rafbókasafnið.

Hvað má hafa bækur lengi í láni?

Hverja bók má hafa að láni í 7, 14 eða 21 dag. Bók sem hefur verið tekin að láni skilast sjálfkrafa að lánstíma liðnum og því er engin hætta á dagsektum. Auðvitað er líka hægt að skila fyrr. Ef enginn er að bíða eftir að bókin losni getur þú framlengt lánstímann, sá möguleiki opnast 72 klukkustundum áður en bókinni er skilað sjálfkrafa. 

Hvað má fá margar bækur að láni í einu?

Þú getur haft 7 bækur að láni í einu og sett inn 10 frátektir.

Bókin sem mig langaði að lesa er ekki á Rafbókasafninu. Hvað skal þá gera?

Þá er hægt að senda inn innkaupatillögu, á rafbokasafnid.is. Hægt er að mæla með kaupum á 3 bókum á 14 daga fresti.

Þarf að tengast netinu til að lesa eða hlusta á rafbækur?

Hægt er að hlaða bókum niður í Libby appinu, OverDrive appinu eða Adobe Digital Editions forritinuSjá nánar um þessi forrit í leiðbeiningum.

Er hægt að nota Rafbókasafnið án þess að hlaða niður öppum eða forritum?

Hægt er að lesa rafbækur eða hlusta á hljóðbækur frá Rafbókasafninu í vafra í tölvum, spjaldtölvum og snjallsímum og því er ekki nauðsynlegt að hlaða niður neinum öðrum forritum til þess.

Ef þú hefur einhverjar spurningar eða ábendingar varðandi Rafbókasafnið sendu þá póst á rafbokasafnid@borgarbokasafn.is.