OKið

Upplifunarrými fyrir ungmenni

Þann 30. nóvember 2019 opnaði OKið, nýtt rými fyrir ungmenni í Gerðubergi. Þar er hægt að læra, skapa, fikta, eiga í samtali og einfaldlega hanga. Í rýminu er boðið er upp á ýmsa dagskrá fyrir ungmenni, skapaða af ungmennum en einnig er hægt að kíkja við á opnunartíma hússins og  njóta þess sem staðurinn hefur upp á að bjóða. OKið er þátttökuverkefni og hafa ungmenni úr Breiðholti tekið virkan þátt í þróun og framkvæmd verkefnisins.

Hér má sjá myndskeið og frétt um OKið þar sem fjallað er um hugmyndafræðina á bak við hönnun rýmisins.

Norður; stafræn skáldsaga um umhverfismál

Rýmið er tileinkað ungu fólki um ókomna tíð og verður unnið með ýmis þemu í ár í senn. Árið 2020 er þemað byggt á Norður, stafrænni skáldsögu danska höfundarins Camillu Hübbe og myndlýsarans Rasmus Meisler. Í sögunni um stúlkuna Norður nýta höfundarnir sér sameiginlegan menningararf Norðurlandanna, norrænu goðafræðina. Þar er tekist á við stórar spurningar og alvarlegar áskoranir sem blasa við ungmennum í dag, s.s. hamfarahlýnun af mannavöldum og áhrif þeirra á lífríki jarðar og framtíð komandi kynslóða. Einnig tekst aðalpersónan á við sjálfa sig og gengur í gegnum krefjandi þroskaferli um leið og henni er ætlað að bjarga heiminum. Hægt er að nálgast söguna hér Norður | Stafræn skáldsaga.

 

Langar þig að nota OKið? 

Kennarar, frístunda- og félagsmiðstöðvastarfsmenn geta bókað rýmið til eigin nota, bæði í kennslu og leik. Einnig geta ungmenni á eigin vegum bókað rýmið og fengið aðstoð við að láta drauma sína verða að veruleika. Vertu í sambandi og við sjáum hvað við getum gert! 

OKið er opið alla virka daga milli kl 09:00 -18:00.
OKið er styrkt af Barnamenningarsjóði. og mennta- og menningarmálaráðuneytinu. 

Frekari upplýsingar veitir: 

Ilmur Dögg Gísladóttir, deildarstjóri
ilmur.dogg.gisladottir@reykjavik.is
S:411-6173