Um þennan viðburð
Jólabókakaffi | Fyrsta bylgja jólabókaflóðsins
Jólabókaflóðbylgjan skellur á Borgarbókasafninu í Kringlunni með upplestri Braga Ólafssonar, Jónínu Leósdóttur, Kristínar Svövu Tómasdóttur og Maríu Elísabetar Bragadóttur.
Bragi Ólafsson er margkunnur fyrir bækur sínar og önnur verk og gefur nú út skáldsöguna Gegn gangi leiksins - ljóðskáld deyr. Jónína Leósdóttir hefur skrifað bækur af öllum toga en hefur slegið í gegn með glæpasögum sínum og nú fyrir jólin kemur út sú nýjasta, Varnarlaus. Kristín Svava Tómasdóttir er jafnvíg á ljóð og fræði og fjallar nú um sögu sjúkdóma og heilsu út frá Farsótt, timburhúsinu við Spítalastíg sem bókin dregur nafn sitt af. Fyrsta bók Maríu Elísabetar Bragadóttur, Herbergi í öðrum heimi, sló í gegn í hittífyrra og nú kemur hún með þrjár nýjar sögur í bókinni Sápufuglinn.
Öll velkomin.
Nánari upplýsingar veita:
Guttormur Þorsteinsson
guttormur.thorsteinsson@reykjavik.is | s. 411 6204
Hildur Baldursdóttir
hildur.baldursdottir@reykjavik.is | s. 411 6207