Smásmiðjur í Grófinni

Reglulega eru haldnar spennandi smásmiðjur á Verkstæðinu á 5. hæð í Grófinni. Smiðjurnar eru hugsaðar jafnt fyrir byrjendur sem og þau sem langar að rifja upp ýmislegt sem tengist skapandi tækni, m.a. mynd-, tónlistar- eða hljóðvinnslu.

Í hverri smiðju er farið yfir ákveðin tækniatriði eða forrit, til dæmis:

• klippa saman myndbönd í Final Cut Pro
• semja takt í Logic Pro
• nota grænskjá
• hanna skemmtilega hluti fyrir þrívíddarprentara í teikniforritinu Tinkercad

Á öðrum mánudögum er boðið upp á "opna tíma" á Verkstæðinu. Þar má mæta og vinna að eigin verkefnum en einnig verður starfsmaður á staðnum til að svara spurningum og aðstoða við hvers kyns tæknileg mál, stór sem smá.

Smásmiðjurnar og opnu tímarnir eru í boði annan hvern mánudag frá kl. 16:00 - 17:00. Eftir tímann er starfsfólk áfram á staðnum til að aðstoða til kl. 17:30.

Þátttaka er alltaf ókeypis og engin skráning nauðsynleg. Smiðjurnar eru opnar öllum 13 ára og eldri.

Dagskráin sem framundan er:

21. september
Næluveisla: smíðum okkar eigin barmmerki

28. september
Opinn tími á Verkstæðinu

5. október
Kynning á þrívíddar-prentun

12. október
Opinn tími á Verkstæðinu

19. október
Grunnatriði í tónlistarforritinu Logic Pro 

26. október
Opinn tími á Verkstæðinu

2. nóvember
Rubiks kubburinn: Frá byrjanda til meistara á 60 mínútum

9. nóvember
Opinn tími á Verkstæðinu

16. nóvember
Kynning á þrívíddar-prentun

23. nóvember
Opinn tími á Verkstæðinu

30. nóvember
Grunnatriði í vídeóforritinu Final Cut Pro  
 

Nánari upplýsingar veitir:
Valgeir Gestsson, sérfræðingur tónlistardeildar
valgeir.gestsson@reykjavik.is | 411 6100