blindspot word

Um þennan viðburð

Tími
13:00 - 14:00
Verð
Frítt
Sýningar

BLINDHÆÐ | Kvikmyndasýning #2

Laugardagur 8. maí 2021

Sýning á tveimur stuttmyndum leikstjórans Salad Hilowle og vídeóverki Nayab Ikram, sem eru hluti af samsýningunni Blindhæð undir listrænni stjórn Daríu Sól Andrews.

Salad Hilowle er listamaður búsettur í Stokkhólmi, Svíþjóð, og útskrifaðist frá Konunglega sænska listaháskólanum árið 2020. Í verkum sínum vinnur Salad Hilowle með minningar frá barnæsku sinni og stöðu innflytjendasamfélags Sómala, sem hann tvinnar saman við listasögu Svíþjóðar. Verkin vekja áhorfandann til umhugsunar um sjálfsmyndir, minningar, staðsetningar og sýnileika. Fyrri vídeóverk hans eru stuttmyndirnar Erinra, Letters to Sweden og Waryaa. Fínstilltar og ljóðrænar myndir hans hafa verið sýndar víðsvegar um heiminn og unnið til verðlauna í Svíþjóð. Árið 2015 var hann annar tveggja listamanna til að hljóta Engmansstipendiet, einn af stærstu listamannastyrkjum í Svíþjóð. Árið 2020 hlaut hann Bernadotte Scholarship frá Konunglega sænska listaháskólanum fyrir að auka sýnileika fólks af afrískum uppruna í sænskri listasögu.

salad hilowle still Skot úr myndinni Waryaa by Salad Hilowle

Nayab Ikram er ljósmyndari, myndlistamaður og listrænn stjórnandi. Hún er af pakistönskum ættum, fædd á Álandseyjum og starfar í Turku. Hún vinnur með hugmyndir og tilfinningar sem tengjast þeirri stöðu að vera á milli (e. in-betweenship) og sjálfsmyndum í menningarlegu og stafrænu samhengi. Hún notast við tákn, hefðir og abstrakt form í ljósmyndum, gjörningum og innsetningum. Ikram útskrifaðist 2015 með BA gráðu í menningu og listum frá Novia University of Applied Sciences í Jakobstad, Finnlandi. Með listamanninum Ramina Habibollah starfar hún sem listrænn stjórnandi dúósins in a way. Ikram hefur tekið þátt í fjölda einka- og samsýninga. Hún vann til verðlaunanna Portfolio Review for Young Nordic Photographers á Landskrona Foto Festival 2017. Árið 2019 hlaut hún menningarverðlaun frá Swedish Cultural Foundation í Finnlandi.

nayab ikram still Ljósmyndaverk eftir Nayab Ikram

 

BLINDHÆÐ | DAGSKRÁ

Viðburðurinn á Facebook

Sjá hér upplýsingar um sóttvarnarráðstafanir safnsins.

 

Frekari upplýsingar:

Martyna Karolina Daniel, sérfræðingur – Fjölmenningarmál
Martyna.Karolina.Daniel@reykjavik.is

Daría Sól Andrews, sýningarstjórn
daria.andrews9@gmail.com