Hönnunarmars | Söngstund í Krílalaut með ÞYKJÓ

Tilraunastofa ímyndunaraflsins 

Á HönnunarMars bjóða hönnunarteymið ÞYKJÓ og Borgarbókasafnið krílum á aldrinum 0-2 ára upp á Krílastund í Krílalaut, en Krílalautin verður sérstakt svæði fyrir þau allra yngstu á barnahæðinni í framtíðarbókasafninu við Tryggvagötu. Gítar og söngur í boði, alveg eins og í hefðbundinni Krílastund í Grófinni.

ÞYKJÓ verður með sýnishorn af hönnun barnasvæðisins, við leikum okkur í Krílalautinni og fáum að prófa ýmsar hugmyndir af hugmyndaborðinu.

Öll börn á aldrinum 0-2 ára ásamt forráðafólki eru velkomin. Viðburðurinn er ókeypis, engin skráning. 

Eftirfarandi viðburður er einnig í boði á Tilraunastofu ímyndunaraflsins
5. apríl kl. 13:00-15:00: Skýjaborgir með ÞYKJÓ | Skapandi smiðja fyrir 5-10 ára

Nánar um Tilraunastofu ímyndunaraflsins á HönnunarMars
Vefsíða Hönnunarmars 2025.

Tilraunastofa ímyndunaraflsins er staðsett í Tryggvagötu 15, í húsnæðinu sem í augnablikinu stendur autt, en er tengt við Grófarhús. Þetta húsnæði verður hluti af nýju og umbreyttu bókasafni. 
 

Nánari upplýsingar veitir:

Guðrún Lilja Gunnlaugsdóttir, deildarstjóri nýsköpunar
gudrun.lilja.gunnlaugsdottir@reykjavik.is | 411 6114