Leshringur | Ævisaga þorsksins

Í október ræðum við Ævisögu þorsksins, fisksins sem breytti heiminum eftir Mark Kurlansky í þýðingu Ólafs Hannibalssonar. Bókin fjallar um þau áhrif sem þorskurinn hefur haft á samfélögin við Atlantshaf síðustu þúsund ár og þar kemur Ísland auðvitað við sögu. En ásamt sagnfræði er í bókinni að finna fjölmargar skemmtilegar frásagnir sem og uppskriftir.

Sjá umfjöllun Morgunblaðsins og á ensku má finna gagnrýni hjá bæði Smithsonian magazine og New York Times.

Leshringurinn Sólkringlan hittist venjulega þriðja fimmtudag í mánuði kl. 17.30-18.30 í Borgarbókasafninu Kringlunni, frá september til maí.

Dagskráin fyrir haustið 2025 er eftirfarandi:

• 18. september: Merking eftir Fríðu Ísberg
• 16. október: Ævisaga þorsksins eftir Mark Kurlansky
• 20. nóvember: Glataðir snillingar eftir William Heinesen
• 18. desember: Paradís eftir Abdulrazak Gurnah
   

Umsjón og skráning:
Guttormur Þorsteinsson, sérfræðingur
guttormur.thorsteinsson@reykjavik.is | 411 6204