Um þennan viðburð
Húslestur | Kvöldsónatan
Hvernig hljómar að setjast niður á bókasafninu eftir langan dag, fá sér kaffibolla og hlusta á lifandi upplestur úr bók?
Í vor verður boðið upp á huggulegar upplestrarstundir á Borgarbókasafninu í Úlfarsárdal. Lesið verður upp úr vinsælustu bókum síðasta árs og geta gestir fengið sér sæti og notið þess að hlusta á upplesturinn sem Sunna Dís Másdóttir, rithöfundur og fyrrum bókmenntagagnrýnandi Kiljunnar, mun sjá um. Einnig mun gefast kostur á léttu spjalli að lestri loknum fyrir þau sem hafa áhuga.
Í þetta skipti verður lesið upp úr skáldsögunni Kvöldsónatan eftir Ólaf Jóhann Ólafsson en bókin var metsölubók ársins 2025.
Um bókina:
Ungur drengur fylgist með föður sínum hjálpa erlendum hjónum að flytja flygil inn í húsið beint á móti heimili hans í Suðurgötu árið 1949. Sá atburður á eftir að hafa mikil áhrif á framtíð hans. Eftir glæsilegan tónlistarferil ytra snýr hann loks aftur heim til Íslands í ferð sem neyðir hann til að horfast í augu við sjálfan sig og líf sitt, mistök sín og það sem hann hefur gert sjálfum sér og öðrum.
Gestum er bent á að taka með sundfötin því hægt er að skella sér í sund í Dalslaug fyrir eða eftir upplesturinn.
Komum saman og eigum notalega og nærandi stund á bókasafninu.
Öll velkomin.
Nánari upplýsingar veita:
Þorgerður Agla Magnúsdóttir, verkefnastjóri | bókmenntir og lestrarhvatning
thorgerdur.agla.magnusdottir@reykjavik.is
Tinna Birna Björnsdóttir | Viðburðir