Sumarsmiðjurnar okkar

Sköpun, listir og gleði í sumarsmiðjum Borgarbókasafnsins
Fjölbreyttar smiðjur fyrir skapandi börn og unglinga 12. júní til - 15. ágúst

Hér er heildarlisti yfir smiðjurnar.

Borgarbókasafnið vinnur stöðugt að því að búa til vettvang fyrir sköpun, listir, og menningu fyrir börn og unglinga. Nú er boðið upp á fjölbreyttar sumarsmiðjur fyrir ólíka aldurshópana á bilinu 9-16 ára þar sem sköpunarkrafturinn, listin og gleðin ræður ríkjum.

Með sumarsmiðjum safnsins er leitast við að breikka úrvalið af námskeiðum sem er í boði fyrir börn og unglinga á sumrin, svo allir finni sér eitthvað við hæfi. Sem dæmi býður safnið upp á námskeið í borðspilahönnun, lagasmíðum, ljósmyndun og sagnagerð.

Skráning hefst laugardaginn 29. april sumar.vala.is.
Finnið bókasafnið með því að velja „starfsstað“.

Sumarsmiðjurnar eru líkt og öll dagskrá Borgarbókasafnsins, alltaf ókeypis.

Nánari upplýsinar veitir:
Ingibjörg Ösp Óttarsdóttir, verkefnastjóri barna- og unglingastarfs
ingibjorg.osp.ottarsdottir@reykjavik.is