![Teikningar eftir Auði Þórhallsdóttur](https://borgarbokasafn.is/sites/default/files/styles/ding_secondary_large/public/title_image/event/teikningar.jpg?itok=vHx_kANc)
Um þennan viðburð
Sýning | Miðbæjarrottan - teikningar og skissur úr bókunum
Staðsetning: 2. hæð, Hringurinn
Margir krakkar þekkja eflaust til bókanna um lattelepjandi miðbæjarrottuna Rannveigu, eftir Auði Þórhallsdóttur. Nú gefst tækifæri til að skyggnast bakvið tjöldin við gerð bókanna þriggja! Á þessari sýningu fá gestir að sjá ýmisskonar skissur og teikningar af Rannveigu og ævintýrum hennar.
Auður Þórhallsdóttir er fædd í Reykjavík árið 1974. Hún er stúdent frá Menntaskólanum við Sund og lærði ljósmyndun við GRIS-ART í Barcelona. Þá hefur hún einnig lagt stund á nám í þjóðfræði og spænsku við Háskóla Íslands og sótt sumarskóla í myndskreytingu barnabóka í Anglia Ruskin University, Cambridge School of Art.
Bækurnar um miðbæjarrottuna er orðnar þrjár; Miðbæjarrottan - Borgarsaga Miðbæjarrottan - Þetta kemur allt með kalda vatninu og Miðbæjarrottan - Húsin í bænum. Bækurnar eru myndabækur sem miðlar menningartengdu efni til barna á einfaldan og ævintýralegan hátt. Textinn er knappur en ýmsar upplýsingar liggja líka í teikningunum sem dýpka söguna. Miðbæjarrottan þarf að leysa ýmis vandamál en í leiðinni kynnumst við borginni, sögu hennar, byggingarlist, höggmyndalist og fleira.
Fyrir nánari upplýsingar:
Guðrún Elísa Ragnarsdóttir, sérfræðingur
gudrun.elisa.ragnarsdottir@reykjavik.is | 411 6145