Æringi sögubíll
Æringi sögubíll

Sögubíllinn Æringi

Sögubíllinn Æringi er litli bróðir bókabílsins Höfðingja. Við stýrið situr Ólöf Sverrisdóttir en hún bregður sér í ýmis hlutverk og segir börnunum sögur og ævintýri. Sóla sögukona, Björk bókavera, Æra Æringjadóttir og Nína Norn hafa komið á bílnum í leikskóla og víðar og glatt börnin með sögum og söng. Ólöf fær líka stundum til sín góða gesti og vinnur einnig verkefni með leik- og grunnskólabörnum sem snúa að sögugerð.

Ævintýralegar myndir prýða bílinn en efnt var til samkeppni meðal myndlistarmanna um skreytingar og bar Brian Pilkington sigur úr býtum. Sögubíllinn er ekki bara ævintýralegur að utan heldur einnig að innan, dökk flauelstjöld og stjörnur í lofti skapa skemmtilega og spennandi umgjörð um sögustundirnar.

Hægt er að fá sögubílinn í heimsókn á leikskóla og frístundaheimili í borginni án endurgjalds.
Einnig er hægt að panta hann á hverfahátíðir eða aðra viðburði í borginni gegn greiðslu.

Allar nánari upplýsingar veitir:

Ólöf Sverrisdóttir, verkefnastjóri Æringja
olof.sverrisdottir@reykjavik.is
Borðsími 411-6189
Farsími 664-7718

Sóla í sögubílnum Æringja

Eftir Borgarbókasafn (óstaðfest)
Mán, 03-09-2018 20:09
Flokkur