Verðlaunahafar Fjöruverðlaunanna 2020 ásamt borgarstjóra

Fjöruverðlaunin afhent við hátíðlega athöfn

Fjöruverðlaunin, bókmenntaverðlaun kvenna, hafa verið veitt árlega frá árinu 2007 í þremur flokkum; fyrir fagurbókmenntir, fyrir fræðibækur og rit almenns eðlis og í flokki barna- og unglingabókmennta. Tilnefningar til verðlaunna voru tilkynntar þann 3. desember 2019 í Borgarbókasafninu Grófinni. Nú hefur verið kunngert hvaða bækur hljóta verðlaunin í ár, en Dagur B. Eggertsson, borgarstjóri afhenti þau við hátíðlega athöfn í Höfða. Verðlaunahafarnir eru:

Í flokki fagurbókmennta: Svínshöfuð eftir Bergþóru Snæbjörnsdóttur. Útgefandi Benedikt bókaútgáfa

Í flokki fræðibóka og rita almenns eðlis: Jakobína: Saga skálds og konu eftir Sigríði Kristínu Þorgrímsdóttur. Útgefandi Mál og menning

Í flokki barna- og unglingabókmennta: Kennarinn sem hvarf eftir Bergrúnu Írisi Sævarsdóttur. Útgefandi Bókabeitan

Verðlaunahafarnir fengu listaverk eftir myndlistarkonuna Koggu.


Tilnefndar voru auki:

Í flokki fagurbókmennta: Svanafólkið eftir Kristínu Ómarsdóttur og Okfruman eftir Brynju Hjálmsdóttur.

Í flokki fræðibóka og rita almenns eðlis: Öræfahjörðin: Saga hreindýra á Íslandi eftir Unni Birnu Karlsdóttur og Listin að vefa eftir Ragnheiði Björk Þórsdóttur.

Í flokki barna- og unglingabókmennta: Kjarval: Málarinn sem fór sínar eigin leiðir eftir Margréti Tryggvadóttur og Villueyjar eftir Ragnhildir Hólmgeirsdóttur.


Yfirlýstur tilgangur Fjöruverðlaunanna er að stuðla að aukinni kynningu á ritverkum kvenna og hvetja konur í rithöfundastétt til dáða. Við sendum verðlaunahöfunum innilegar hamingjuóskir.

Materials