Hvað er Sögur?

Sögur - verðlaunahátíð barnanna er samstarfsverkefni Borgarbókasafnsins, KrakkaRÚV, Menntamálastofnunnar, Reykjavík Bókmenntaborgar UNESCO, Borgarleikhússins, List fyrir alla og Skóla- og frístundasviðs Reykjavíkur. 
Verkefni Sagna er tvíþætt, að hvetja börn til sköpunar og lyfta upp verkum þeirra og svo að gefa börnum rödd til að segja hvað þeim finnst best af því sem er gert á sviði barnamenningar. 
Borgarbókasafnið býður upp á fjölbreyttar smiðjur þar sem við hvetjum börn til að skapa sín eigin verk sem þau geta sent inn í samkeppni Sagna. Samkeppnin opnar 1. nóvember og út nóvembermánuð geta börn á aldrinum 6-12 ára sent inn í fjórum flokkum, smásögu, stuttmyndahandrit, leikritahandrit og lag og texta. 

Í byrjun árs velja dómnefndir í hverjum flokki hvaða smásögur, handrit og tónlist verða unnin áfram af fagfólki og verðlaunuð á Sögum – verðlaunahátíð barnanna. Börnin sem eiga sigurverk í flokki smásagna fá tækifæri til að vinna þær áfram með ritstjóra. Menntamálastofnun gefur svo út sögurnar í bók, Risastórar smásögur. Börnin sem vinna í flokki stuttmyndahandrita fá tækifæri til að vinna með KrakkaRÚV að framleiðslu stuttmyndarinnar. Börnin sem vinna í flokki leikrita fá tækifæri að vinna með leiklistarskóla Borgarleikhússins að uppsetningu leikritsins og börnin sem vinna í flokki tónlistar og texta fá tækifæri að vinna með pródúsent við útsetningu lagsins. Á verðlaunahátíðinni er svo fengið þekkt tónlistarfólk til að flytja lögin. 

Í febrúar og mars geta börnin kosið sínar uppáhaldsbækur í Bókaverðlaunum barnanna í skólum og bókasöfnum um allt land. Í apríl heldur Borgarbókasafnið tilnefningarhátíð þar sem tilkynnt er hvaða fimm íslenskar og fimm þýddar barnabækur börnin völdu sem sínar uppáhalds og þá opnar á vef KrakkaRÚV kosning Sagna þar sem börnin kjósa í öllum flokkum það sem þeim finnst standa upp úr á sviði barnamenningar. 
Í byrjun júní verða úrslitin kynnt bæði úr kosningunni og samkeppnunum á stórglæsilegri verðlaunahátíð sem sýnd verður í beinni útsendingu á RÚV.
 

Bókaverðlaun barnanna

Í febrúar og mars er börnum á aldrinum 6-12 ára boðið að kjósa uppáhalds barnabækur ársins.

Kosningin fer fram ár hvert á almennings- og skólabókasöfnum um allt land og hér á vef Borgarbókasafnsins. Börnin geta valið eina til þrjár bækur sem þeim finnast skemmtilegastar, áhugaverðastar eða bestar af hvaða ástæðu sem er. Við bjóðum Grunnskólum og almenningsbókasöfnum að panta með tölvupósti veggspjöld sem þau fá send á kostnað viðtakenda eða sækja á næsta Borgarbókasafn. Hér er svo hægt að nálgast kjörseðla fyrir skólabókasöfn (pdf) og almenningsbókasöfn (pdf). Oðið verður fyrir kosningu 12. febrúar - 22. mars 2024. Börnin geta merkt kjörseðlana og hvetjum við söfnin til þess að draga út heppinn þátttakenda og veita viðurkenningu fyrir þátttöku. Við biðjum öll þátttökusöfn og -skóla um að skrá atkvæðin í talingarskjal (exelskjal fyrir 2024 ókomið) og senda sínar lokatölur fyrir 8. apríl 2024 til verkefnastjóra verkefnisins. 

Bókaverðlaun barnanna er hluti af SÖGUR, verðlaunahátíð barnanna svo að þátttakendur geta stutt sínar uppáhaldsbækur áfram í kosningu KrakkaRÚV. Opnað verður fyrir kosningu  apríl 2023. Úrslit verða kynnt á Sögur - verðlaunahátíð barnanna sem sýnd er í beinni útsendingu á RÚV í júní 2023.

Nánari upplýsingar veitir: 
Ingibjörg Ösp Óttarsdóttir, verkefnastjóri barna- unglingastarfs
ingibjorg.osp.ottarsdottir@reykjavik.is | s . 411-6146

Tilnefningar og vinningshafar fyrri ára

Tilnefningar fyrir Bókaverðlaun barnanna 2022. Vinningshafarnir eru feitletraðir.

Alexander Daníel Hermann Dawidsson; bannað að eyðileggja eftir Gunnar Helgason, myndir Rán Flyenring
Kennarinn sem kveikti í eftir Bergrúnu Írisi Sævarsdóttur
Lára bakar eftir Birgittu Haukdal, myndir Anahit Aleqsanian
Orri óstöðvandi: kapphlaupið um silfur Egils eftir Bjarna Fritzson, myndir Þorvaldur Sævar Gunnarsson
Palli playstation eftir Gunnar Helgason, myndir Rán Flygenring

Þýddar barnabækur

Dagbók Kidda klaufa 15: Á bólakafi eftir Jeff Kinney, þýðandi Helgi Jónsson
Ekki opna þessa bók: ALDREI! eftir Andy Lee, myndir Heath McKenzie, þýðandi Huginn Þór Grétarsson
Handbók fyrir ofurhetjur: sjötti hluti – vonalaust eftir Elias og Agnes Våhlund, þýðandi Ingunn Snædal
Hundmann: tveggja katta tal eftir Dav Pilkey, þýðandi Sigurgeir Orri Sigurgeirsson
Leyndarmál Lindu 8: Sögur af ekki svo gömlu ævintýri eftir Rachel Renée Russel, þýðandi Helgi Jónsson

----------

Tilnefningar fyrir Bókaverðlaun barnanna 2021. Vinningshafarnir eru feitletraðir.

Íslenskar barnabækur 2021:

Hetja - Björk Jakobsdóttir
Lára lærir að lesa - Birgitta Haukdal
Orri óstöðvandi: bókin hennar Möggu Messi -  Bjarni Fritzson
Þín eigin undirdjúp -  Ævar Þór Benediktsson
Öflugir strákar - Bjarni Fritzson

Þýddar barnabækur 2021:

Alls ekki opna þessa bók - Andy Lee, þýðandi Huginn Þór Grétarsson
Dagbók Kidda klaufa: Snjóstríðið - Jeff Kinney, þýðandi Helgi Jónsson
Handbók fyrir ofurhetjur: horfin - Elias og Agnes Våhlund, þýðandi Ingunn Snædal
Hundmann: Taumlaus - Dav Pilkey, þýðandi Bjarki Karlsson 
Verstu kennarar í heimi - David Walliams, þýðandi Guðni Kolbeinsson

----------

Tilnefningar fyrir Bókaverðlaun barnanna 2020. Vinningshafarnir eru feitletraðir.

Íslenskar barnabækur 2020:

Barist í Barcelona - Gunnar Helgason
Draumaþjófurinn - Gunnar Helgason
Kennarinn sem hvarf - Bergrún Íris Sævarsdóttir
Orri óstöðvandi: Hefnd glæponanna - Bjarni Fritzson
Þinn eigin tölvuleikur - Ævar Þór Benediktsson

Þýddar barnabækur 2020:

Handbók fyrir ofurhetjur – Vargarnir koma - Elias Vahlund, þýðandi Ingunn Snædal
Dagbók Kidda klaufa - Allt á hvolfi - Jeff Kinney, þýðandi Helgi Jónsson
Hundmann - Dav Pilkey, þýðandi Bjarki Karlsson
Í alvöru ekki opna þessa bók - Andy Lee, þýðandi Huginn Þór Grétarsson
Kiddi Klaufi: Randver kjaftar frá - Jeff Kinney, þýðandi Helgi Jónsson

----------

Tilnefningar fyrir Bókaverðlaun barnanna 2019. Vinningshafarnir eru feitletraðir.

Íslenskar barnabækur 2019:

Fíasól gefst aldrei upp – Kristín Helga Gunnarsdóttir
Henri rænt í Rússlandi – Þorgrímur Þráinsson
Orri óstöðvandi – Bjarni Fritzson
Siggi sítróna – Gunnar Helgason
Þitt eigið tímaferðalag – Ævar Þór Benediktsson

Þýddar barnabækur 2019:

Handbók fyrir ofurhetjur, annar hluti: Rauða gríman - Elias Våhlund, þýðandi Ingunn Snædal
Dagbók Kidda klaufa - Leynikofinn - Jeff Kinney, þýðandi Helgi Jónsson
Leyndarmál Lindu: sögur af ekki-svo gáfaðri sem veit-allt - Rachel Renée Russell, þýðandi Helgi Jónsson
Miðnæturgengið - David Walliams, þýðandi Guðni Kolbeinsson
Verstu börn í heimi 2 - David Walliams, þýðandi Guðni Kolbeinsson

Hér neðst á síðunni má finna nokkrar af þeim bókum sem hafa hlotið verðlaunin síðustu ár.

Smelltu hér til að skoða verðlaunahafa síðustu ára.

Veggspjöld:

2023: JPG / PDF
2022: JPG / PDF
2021: JPG / PDF
2020: JPG / PDF
2019: JPG / PDF
2018: JPG / PDF
2017: JPG / PDF
2016: JPG / PDF
2015: JPG / PDF
2014: JPG / PDF