Samsköpun

Könnum nýjar leiðir til að eiga í samræðum, ögrum hugmyndum um eignarhald og hönnum bókasafnið sem sameiginlegt og sjálfbært almenningsrými sem verður til og er skapað í samvinnu við notendur.

virk verkefni

Mjúkt Net

Við munum kafa ofan í samband okkar við tækni, miðla og stafrænt líf, með gagnrýnni hugsun, sköpun og lýðræðislegri þátttöku að leiðarljósi. Verkefnið hefst haustið 2026.

Kærleiksorðræða

Búum til ný íslensk orð! Kærleiksorðræða er verkefni sem leggur áherslu á upplifun, tilfinningalæsi og eignarhald á tungumálinu. Við búum til ný orð og sköpum opnara málsamfélag og virðingarfyllri samskipti.

Hreiðrið

Hreiðrið er notalegt horn í Borgarbókasafni Reykjavíkur sem geymir safn texta og miðla sem valdir eru af notendum bókasafnsins. Í tilefni Hinsegin daga verða 9 sögur um tilfinninguna um að tilheyra og hinseginleika.

Framtíðarfestival

Hvernig á að framtíðast? Hvaða færni þurfum við að tileinka okkur? Hvernig getum við deilt því sem við vitum, hvert með öðru? Framtíðarfestival er árlegur viðburður þar sem við ímyndum okkur og æfum saman að betri framtíð.

Fræsafnið

Við leggjum áherslu á svæðisaðlöguð fræ til að styðja enn frekar við staðbundna ræktun, sem stuðlar að sjálfbærara og sterkara matvælakerfi. Auk þess að dreifa fræjum mun Fræsafnið kynna aðferðir til að geyma fræ og hvetja áhugasöm til að varðveita og deila tegundum sem hafa aðlagast íslensku umhverfi.

önnur verkefni

Pikknikk á bókasafninu

Myndir þú tala öðruvísi við ráðherra ef þið væruð bæði á sokkunum? Við deilum mat, sögum og skoðunum í afslappaðri og skemmtilegri stemningu og tengjumst fólki sem við hefðum annars aldrei hitt.

Stofan | A Public Living Room

Stofan var samsköpunarverkefni til þriggja ára frá 2021 til 2024 þar sem ólíkir einstaklingar eða hópar fengu frjálsar hendur á bókasafninu til endurskapa valið rými eftir sínu höfði

Opið samtal

Opið samtal á Borgarbókasafninu er hlutlaus vettvangur þar sem bilið er brúað á milli einstaklinga, samtaka og stofnana. Í Opnu samtali er markmiðið að ræða saman brennandi málefni á jafningjagrundvelli, með það að markmiði að finna svörin saman, koma málum í farveg og að ólík sjónarmið fái að heyrast.

ABSENCED

ABSENCED er myndlistarsýning með gjörningaívafi. Sýningarstjóri er listamaðurinn og aðgerðarsinninn Khaled Barakeh. Á sýningunni munu vélar framleiða og standa fyrir verkum listamanna sem hefur verið slaufað, ritstýrt, hótað eða refsað í Evrópu fyrir að opinbera stuðning sinn við Palestínu.

Gerðuberg kallar

Gerðuberg kallar er tilraunakennt verkefni þar sem bókasafnið þróast í átt að opnu rými allra og kannar ólíkar leiðir í samsköpun með notendum.

Blindhæð

Listaverkin vísa í persónulegar upplifanir listamannanna af rasisma í Evrópu og þá sérstaklega í skandinavísku samhengi. Hér birtist einstök sýn á viðfangsefninu út frá reynsluheimi listafólksins, sem býður áhorfandanum upp á leiðir til að horfast í augu við eigin fordóma frá ólíkum sjónarhornum.

Vertu með!

hafðu samband við okkur

Martyna Karolina Daniel - Verkefnastjóri – Aðgengi og samfélagsleg þátttaka - martyna.karolina.daniel@reykjavik.is // Fanny Sanne Sissoko - Verkefnastjóri - Inngilding og fræðsla - fanny.sanne.sissoko@reykjavik.is