Reglulega eru haldnar spennandi Smásmiðjur á Verkstæðinu á 5. hæð í Grófinni.  Smiðjurnar eru hugsaðar fyrir byrjendur og þau sem langar að rifja upp ýmislegt tengt  mynd-, tónlistar- eða hljóðvinnslu. 

Í hverri smiðju er farið yfir ákveðin tækniatriði eða forrit, til dæmis:

• klippa á saman myndband í Final Cut Pro
• semja takt í Logic Pro
• nota grænskjá
• hanna skemmtilega hluti fyrir þrívíddarprentara í teikniforritinu Tinkercad

Smásmiðjurnar eru á boði annan hvern mánudag frá kl. 16:30 - 17:30. Eftir tímann er starfsfólk á staðnum til að aðstoða til kl. 18:00.

Þátttaka er ókeypis og engin skráning. Smiðjurnar eru opnar öllum 13 ára og eldri. 

Smásmiðjur vorið 2025:

• 24. feb: Hvað er núritun - Live Coding?
• 3. mar: Grunnatriði í tónlistarforritinu Logic Pro 
• 17. mars: Grunnatriði í vídeóforritinu Final Cut Pro  
• 31. mar: Að taka upp með grænskjá í Final Cut Pro 
• 7. apr:  Hvað er stafræn hreinsun - Digital Declutter?

Nánari upplýsingar veitir:
Valgeir Gestsson, sérfræðingur tónlistardeildar
valgeir.gestsson@reykjavik.is | 411 6100