Ævintýrahöllin | Fjölskyldujóga

Vertu velkomin í hlýlega fjölskylduyogastund fyrir allan aldur þar sem við gerum aðgengilegar upphitunaræfingar, öndun, tökum þátt í ævintýri sem tengist yogastöðum og góðri slökun í lokin með fallegum mildum hljómum sem róa hugann. Arnbjörg Kristín er yogakennari og hljóðheilari með BS í Iðjuþjálfun og er sem stendur í MA námi í Heilbrigðisvísindum og finnst fátt skemmtilegra en hreyfing, yoga og gleðifylltar ævintýrastundir.

Ævintýrahöll Barnamenningarhátíðar hefur í gegnum tíðina flakkað á milli hverfa borgarinnar og árið 2026 mun hún fara fram í Borgarbókasafninu Gerðubergi í Breiðholti. Þar verður sannkallað líf og fjör og er aðgangur  ókeypis. 

Á vef Barnamenningarhátiðar er að finna heildardagskrá hátíðarinnar sem verður um alla borg.

Nánari upplýsingar veitir:
Hólmfríður Ólafsdóttir, verkefnastjóri viðburða og fræðslu
holmfridur.olafsdottir@reykjavik.is |  868 1851