Skemmtilegustu, áhugaverðustu og bestu bækurnar að mati barnanna
Bókaverðlaun barnanna afhent í 24. sinn
Árlega kjósa börn þær bækur sem þeim þykja skemmtilegastar, áhugaverðastar eða bestar í Bókaverðlaunum barnanna. Í ár fengu 128 bækur kosningu en kosningin fór fram á almennings- og skólabókasöfnum um allt land. Verðlaunað var fyrir þær bækur sem lentu í topp 10 sætunum hjá börnunum og tóku höfundar bókanna, myndhöfundar, þýðendur, ljósmyndarar og bókaútgefendur við viðurkenningu við hátíðlega athöfn í Gerðubergi þann 12. apríl.
Verðlaunin eru ekkert án barnanna sem kjósa og það var því við hæfi að draga út tíu heppna þátttakendur í Bókaverðlaunum barnanna og fengu þau eina af topp 10 bókunum í verðlaun.
Í lokin kom Jón Víðis töframaður og skemmti sem vakti mikla kátínu meðal gesta.
Eftirfarandi bækur hlutu flest atkvæði og eru þær birtar hér í stafrófsröð:
- Bekkurinn minn - Hendi! - Textahöfundur Yrsa Þöll Gylfadóttir, myndhöfundur Iðunn Arna.
- Dagbók Kidda klaufa : ekkert mál eftir Jeff Kinney, þýðing: Helgi Jónsson
- Hundmann : óbyggðirnar kvabba - eftir Dav Pilkey í nafni Georgs Skeggjasonar og Haralds Hugasonar, þýðing: Sigurgeir Orri Sigurgeirsson
- Iceguys eftir Heiðu Björk Þórbergsdóttur ; flestar ljósmyndir: Ester Magnúsdóttir
- Kærókeppnin eftir Emblu Bachmann, myndlýsing: Blær Guðmundsdóttir.
- Lára fer á fótboltamót eftir Birgitta Haukdal, myndlýsing: Anahit Aleksanian og Elen Sargsyan
- Orri óstöðvandi -heimsfrægur á Íslandi eftir Bjarna Fritzson, myndlýsing: Þorvaldur Sævar Gunnarsson
- Ronaldo er frábær eftir Simon Mugford, hönnuður og myndlýsing Dan Green, þýðing: Guðni Kolbeinsson
- Stella segir bless! eftir Gunnar Helgason, kápumynd Rán Flygenring
- Sveindís Jane - saga af stelpu í landsliði eftir S. Norðfjörð og Sveindísi Jane Jónsdóttur, myndlýsing: Elena Yalcin
Nánari upplýsingar veitir:
Ingibjörg Ösp Óttarsdóttir, verkefnastjóri barna- og unglingastarfs
ingibjorg.osp.ottarsdottir@reykjavik.is | 4116146