Sýning | Korpúlfar

Fyrsta samsýning myndlistarhóps Korpúlfa verður haldin á Borgarbókasafninu í Spönginni í ársbyrjun 2023.

Korpúlfar er heiti félags eldri borgara í Grafarvogi, innan félagsins hefur myndlistarhópur verið starfandi í 10 ár, fyrst á Korpúlfsstöðum en nú í félagsmiðstöðinni Borgum í Spönginni.

Leiðbeinandi hópsins er Pétur Halldórsson listmálari. Hópurinn telur um 15 manns, sem hittast á þriðjudagsmorgnum og eiga saman góða stund.

Hver málar það sem honum er hugleikið og félagarnir finna myndefni hér og þar, ýmist í persónulegum myndum eða myndabönkum. Efniviður er að eigin vali, sumir mála á léreft, aðrir á pappír, en markmiðið er að eiga góða stund og skapa saman.

Verið velkomin á opnun sýningarinnar, laugardaginn 28. janúar kl. 14:30!

Nánari upplýsingar veitir:
Sigríður Stephensen
sigridur.steinunn.stephensen@reykjavik.is