Um þennan viðburð
Plokkbingó | Vika 17
Miðvikudaginn 23. apríl hefst skemmtilegt Plokkbingó, sem stendur til mánudagsins 28. apríl. Bingóspjöld má sækja í afgreiðslu bókasafnsins og þeir sem fylla út spjaldið með rusli úr öllum flokkum geta skilað því í sérstakan kassa í afgreiðslu Borgarbókasafnsins í Úlfarsárdal.
Einn heppinn plokkari verður útnefndur „Plokkari Borgarbókasafnsins í Úlfarsárdal“ og hlýtur glaðning í verðlaun!
Við hvetjum þátttakendur til að koma vel undirbúnir með poka fyrir ruslið, hanska og jafnvel plokktangir. Tökum höndum saman og gerum umhverfið hreinna!
Hvað er Vika 17?
Vika 17 er alþjóðlegt átak bókasafna sem vekur athygli á 17 heimsmarkmiðum Sameinuðu þjóðanna. Verkefnið hófst í Danmörku árið 2024 og byggir á samstarfi bókasafna, einstaklinga og grasrótarsamtaka um sjálfbærni og samfélagsábyrgð.
Á bókasafninu býðst fjölbreytt dagskrá með skapandi verkefnum sem styðja sjálfbæran lífsstíl.
Komdu og taktu þátt – saman sköpum við betri framtíð!
Hvernig tengist Plokkbingó heimsmarkmiðum Sameinuðu þjóðanna?
Með því að hvetja til umhverfisverndar, samfélagslegrar þátttöku og sjálfbærs lífsstíls.
Markmið 11: Sjálfbær samfélög – Við hreinsum nærumhverfið.
Markmið 12: Ábyrg neysla og framleiðsla – Vitundarvakning um sóun og endurvinnslu.
Markmið 14 & 15: Líf í vatni og á landi – Rusl hreinsað úr náttúrunni verndar lífríki.
Markmið 17: Samstarf um markmiðin – Samfélagið vinnur saman að hreinni framtíð.
Nánar um heimsmarkmið Sameinuðu þjóðanna má lesa hér www.heimsmarkmidin.is
Vika 17 á Borgarbókasafninu í Úlfarsárdal:
Þriðjudagur 22. apríl
kl. 10:30-11:30 | Bambaló tónlistarstund fyrir þau yngstu (skráning nauðsynleg)
Miðvikudagur 23. apríl
kl. 15:00-17:00 | Veifugerð úr gömlum bókum
kl. 17:30-18:30 | Kaffiskrúbbsgerð (skráning nauðsynleg)
Allan daginn | Plokkbingó fer af stað – Plokkmeistari dreginn út þriðjudaginn 29. apríl.
Föstudagur 25. apríl
15:00-18:00 | Spila- og púslskiptimarkaður
Umhverfisvænn ferðamáti til okkar
Við hvetjum ykkur til þess að mæta með umhverfisvænum hætti á bókasafnið, gangandi, hjólandi eða með strætó en strætisvagn 18 stoppar beint fyrir utan hjá okkur að Úlfarsbraut, sjá hér.
Nánari upplýsingar veitir:
Stella Sif Jónsdóttir | Viðburðir