Um þennan viðburð
Kaffiskrúbbsgerð | Vika 17
Fyrir mörg er kaffi ómissandi hluti af deginum – en hvað gerist eftir að bollinn er tæmdur? Þegar kaffið hefur verið bruggað verður eftir næringarríkur kaffikorgur sem oftast endar í lífræna ruslinu. En hann getur átt sér nýtt líf!
Við ætlum að safna kaffikorgi á kaffistofunni í nokkra daga og búa til ilmandi og nærandi kaffiskrúbb. Skrúbburinn endurnærir húðina, eykur blóðflæði og veitir vellíðan – fullkomin leið til að nýta hráefni sem annars færi til spillis.
Skráning er nauðsynleg og fer fram hér neðar á síðunni.
Við hvetjum þátttakendur til að koma með notaða krukku til að geyma skrúbbinn.
Önnur hráefni verða á staðnum.
Hvað er Vika 17?
Vika 17 er alþjóðlegt átak bókasafna sem vekur athygli á 17 heimsmarkmiðum Sameinuðu þjóðanna. Verkefnið hófst í Danmörku árið 2024 og byggir á samstarfi bókasafna, einstaklinga og grasrótarsamtaka um sjálfbærni og samfélagsábyrgð.
Á bókasafninu býðst fjölbreytt dagskrá með skapandi verkefnum sem styðja sjálfbæran lífsstíl.
Komdu og taktu þátt – saman sköpum við betri framtíð!
Hvernig tengist kaffiskrúbbsgerð heimsmarkmiðum Sameinuðu þjóðanna?
Með því að stuðla að betri nýtingu auðlinda, minnka matarsóun og hvetja til umhverfisvænna lífsvenja.
Markmið 12: Ábyrg neysla og framleiðsla – Drögum úr sóun með endurnýtingu.
Markmið 13: Aðgerðir í loftslagsmálum – Minni sóun þýðir minni umhverfisáhrif.
Markmið 3: Heilsa og vellíðan – Kaffiskrúbbur er náttúruleg húðvara sem stuðlar að vellíðan og húðheilbrigði án þess að nota óæskileg aukaefni.
Markmið 17: Samstarf um markmiðin – Hvetur til samfélagslegra lausna og samvinnu við að nýta auðlindir á sjálfbæran hátt.
Nánar um heimsmarkmið Sameinuðu þjóðanna má lesa hér: www.heimsmarkmidin.is
Vika 17 á Borgarbókasafninu í Úlfarsárdal:
Þriðjudagur 22. apríl
kl. 10:30-11:30 | Bambaló tónlistarstund fyrir þau yngstu (skráning nauðsynleg)
Miðvikudagur 23. apríl
kl. 15:00-17:00 | Veifugerð gömlum bókum
kl. 17:30-18:30 | Kaffiskrúbbsgerð (skráning nauðsynleg)
Allan daginn | Plokkbingó fer af stað – Plokkmeistari dreginn út þriðjudaginn 29. apríl.
Föstudagur 25. apríl
15:00-18:00 | Spila- og púslskiptimarkaður
Umhverfisvænn ferðamáti til okkar
Við hvetjum ykkur til þess að mæta með umhverfisvænum hætti á bókasafnið, gangandi, hjólandi eða með strætó en strætisvagn 18 stoppar beint fyrir utan hjá okkur að Úlfarsbraut, sjá hér.
Nánari upplýsingar veitir:
Stella Sif Jónsdóttir | Viðburðir