Um þennan viðburð
Hinsegin dagar | Bannaðar bækur í Höfðingja
Á viðburðinum mun Mars Proppé skoða hvað það felur í sér að banna bók. Af hverju hafa samfélög í gegnum tíðina bannað bækur sem snúa að hinseginleika? Hvað er það sem ögrar frekar en annað? Sýna samfélögin sem banna bækurnar vald sitt með ritskoðuninni? Eða sýna þau kannski hið gagnstæða; að einfaldur texti á blaði sé ógn við hefðum þeirra og hugsjón?
Mars er róttækt ungt kvár sem hefur stundað ýmsar réttindabarátturnar seinstu árin. Hán er hinseginfræðari, bókaormur, eðlisfræðingur, aktívisti, baðunnandi og afbragðs bakari.
Bókabíllinn Höfðingi verður staðsettur á Lækjartorgi – fullur af hinsegin bókakosti – dagana 2. - 5. ágúst, í tilefni Hinsegin daga.
Nánari upplýsingar veitir
Halla Þórlaug Óskarsdóttir, verkefnastjóri bókmennta
halla.thorlaug.oskarsdottir@reykjavik.is