Barnabókaverðlaun Guðrúnar Helgadóttur 2025 afhent

Barnabókaverðlaun Guðrúnar Helgadóttur voru stofnuð árið 2018 til heiðurs Guðrúnu Helgadóttur rithöfundi og fyrst veitt í apríl 2019. Reykjavíkurborg veitir verðlaunin árlega fyrir óprentað handrit að barna- eða ungmennabók og er þeim ætlað að styðja við nýsköpun í greininni.

Verðlaunahafi ársins 2025

Barnabókaverðlaun Guðrúnar Helgadóttur árið 2025 voru veitt 4. september.

Verðlaunahafinn í ár er Nanna Rögnvaldardóttir og hlýtur hún verðlaunin fyrir handritið að skáldsögunni Flóttinn á norðurhjarann sem kemur út í haust hjá Forlaginu. Heiða Björg Hilmisdóttir, borgarstjóri afhenti verðlaunin, nánar á vef Reykjavíkurborgar. 

Við óskum Nönnu hjartanlega til hamingju með heiðurinn og hlökkum til að lesa bókina!

Hér fyrir neðan má sjá bækur sem hlotið hafa Barnabókaverðlaun Guðrúnar Helgadóttur.