Anne-Mari Kivimäki | Dáleiðandi harmonikkutónlist frá Finnlandi
Dáleiðandi harmonikkutónar Anne-Mari Kivimäki sækja innblástur í karelíska sagnahefð.
Með angurværum laglínum og lokkandi harmonikkutónum býður Anne-Mari Kivimäki okkur í ferðalag sem nær heil hundrað ár aftur í tímann. Í gegnum nýstárlegar tónsmíðar Anne-Mari heyrist ómur af karíelskum harmonikkutónum og ólgusjór norðanvindsins blæs lífi í aldagamla tónlist.
Anne-Mari Kivimäki er eitt af áhugaverðustu samtímatónskáldum og tónlistarmönnum finnskrar þjóðlagatónlistar. Hún hefur spilað víða um heim, sem einleikari og með tilraunatónlistarsveitinni Suistamon Sähkö, Anne-Mari Kivimäki Ensemble og 10 manna hljómsveitinni Lakkautettu Kylä. Hún starfar einnig við tónlistarrannsóknir og semur og flytur tónlist fyrir leikhús og kvikmyndir.
Kivimäki hefur verið fulltrúi Finnlands á alþjóðlegum hátíðum frá árinu 1996. Kivimäki var valin Artist of the Year á árið 2017 á finnska Etnogala og plata hennar Lakkautettu Kylä hefur hlotið ýmsar tilnefningar og verðlaun.
Hér má kynna sér feril Anne-Mari enn frekar
Öll hjartanlega velkomin – enginn aðgangseyrir.
Nánari upplýsingar veitir:
Valgeir Gestsson
Sérfræðingur tónlistardeildar í Grófinni
valgeir.gestsson@reykjavik.is