Skiptibókamarkaður | Móðurmál

Á Íslandi eru töluð 109 tungumál, hið minnsta. Vitað er hversu mikilvægt er fyrir börn að heyra sögur á móðurmáli sínu. Borgarbókasafnið býður upp á barnabækur á ýmsum tungumálum, en Bókasafn Móðurmáls státar af stóru safni barnabóka á fjölmörgum tungumálum.

Laugardaginn 20. maí verður skiptibókamarkaður Móðurmáls á bókasafninu í Spönginni, kl. 12-16. Félagið ætlar þá að gefa góðar barnabækur á fjölmörgum tungumálum. Þetta eru allt aukaeintök sem safnið þarf ekki á að halda, en vill gefa nýtt heimili. Tilvalið er að  koma með barna– og unglingabækur á öllum tungumálum sem geta öðlast framhaldslíf og veitt öðrum gleði á nýjum heimilum.

Bókasafn Móðurmáls á um 8300 bækur á 87 tungumálum og er hægt að sjá safnkostinn hér. Safnið er til húsa á Suðurlandsbraut 6 og er opið á föstudögum frá 15-17. 

Hlökkum til að sjá ykkur og heyra fjölbreytt tungumál í öllum krókum og kimum safnsins!

Frekari upplýsingar veitir:
Sigríður Stephensen
sigridur.steinunn.stephensen@reykjavik.is