Heimspekikaffi | Hamingja og andleg heilsa

Hvað þýðir það að vera við góða andlega heilsu? Hvernig má bæta andlega vellíðan og hamingjustundir? Hvaða lífsgildi er gott að styrkja til að finna jafnvægi á milli eirðarleysis og ofmetnaðar?

Gunnar Hersveinn heimspekingur og Helga Arnardóttir félags- og heilsusálfræðingur munu eiga uppbyggilegt samtal um andlega heilsu í næsta Heimspekikaffi  Þau munu m.a. fjalla um sjálfsumhyggju, uppbyggileg samskipti, lífsgildi og hamingjuna sem hugsanlega hliðarverkun tiltekins lífernis.

Heimspekikaffið í Gerðubergi hefur verið vinsælt undanfarin misseri, en þar er fjallað á mannamáli um hvers konar líferni er eftirsóknarvert. Gestir taka virkan þátt í umræðum og hafa margir farið út með gott veganesti til að ræða frekar.

Helga Arnardóttir er með mastersgráðu í félags- og heilsusálfræði frá Maastricht University og diplomagráðu í jákvæðri sálfræði frá Endurmenntun Háskóla Íslands.
Auk þess hefur hún fengið þjálfun í ráðgjöf á forsendum jákvæðrar sálfræði (positive psychology coacing) og kennaraþjálfun í núvitund. Hún starfar við ýmisskonar fræðslu um jákvæða sálfræði og andlega heilsu.

Gunnar Hersveinn rithöfundur og heimspekingur hefur umsjón með dagskránni og leiðir gesti í lifandi umræðu um málefnin á aðgengilegan hátt. Hann hefur skrifað m.a. skrifað bækurnar Gæfuspor, Orðspor, Þjóðgildin og síðast Hugskot – skamm, fram- og víðsýni ásamt Friðbjörgu Ingimarsdóttur.