Útskriftarhátíð Listkennsludeildar LHÍ | Hugtaka-kaka: Spuna- og hugsunarleikjasmiðja
Fyrir börn á grunnskólaaldri
Meistaraneminn og heimspekingurinn Guðmundur Arnar Sigurðsson leiðir spuna- og hugsunarleikjasmiðjuna Hugtaka-kaka
Nánari upplýsingar um lokaverkefni Guðmundar „Hugsunarleikir: Efling hugsunar í skólastofunni“ má finna hér.
Í smiðjunni verður farið í skemmtilega spunaupphitun og hugsunarleik sem kallast hugtaka-kaka.
Þátttakendum verður skipt í tvo hópa sem fá sama hugtakið, t.d. vinátta. Hugtakið hefur að geyma nokkur hráefni. Það eru þó ekki endilega allir á eitt sáttir um hvaða hráefni þurfi til. Þátttakendur skrifa hráefni á blað sem þeir telja að eigi heima í köku vináttunnar.
Því næst búa þátttakendur í sameiningu til hráefna-kvarða, frá mikilvægasta hráefninu til hins minnst mikilvæga, það væri gaman að vita hvað þarf mörg grömm af hverju hráefni í kökuna.
Útbúum gómsæta hugtaka-köku saman!
Viðburðurinn er hluti af útskriftarhátíð Listaháskóla Íslands og þar kynna verðandi kennarar lokaverkefni sín með fjölbreyttum hætti.
Listkennsludeild Listaháskóla Íslands stendur fyrir útskriftarviðburði dagana 13. og 14. maí.
Dagskrá er opin öllum og fer fram í Borgarbókasafni / Menningarhúsi Gerðubergi.
Börn ásamt aðstandendum eru sérstaklega boðin velkomin á fjölskylduvænar listasmiðjur nemenda.
Dagskrá og nánari upplýsingar um lokaverkefni nemenda má finna hér.