Menningarnótt | Komdu í partý!
Hjartanlega velkomin á skemmtilega dagskrá í miðbæjarsafninu okkar á Menningarnótt 2023. Í boði er fjölbreytt dagskrá og við notum að sjálfsögðu tækifærið til að halda á lofti 100 ára afmæli Borgarbókasafnsins í ár.
DAGSKRÁ
Föndur og fjör
Kl. 13:00 - 20:00 | 2. hæð
Ungum listamönnum gefst færi á að gefa sköpunarkraftinum lausan tauminn í notalegri föndurstund. Einungis þarf að mæta með hugmyndaflugið, pappír, litir og helstu áhöld verða á staðnum.
Sjálfu-stöð
Kl. 13:00 - 20:00 | 1. hæð (safnstöð)
Brostu þínu breiðasta og smelltu mynd af þér í sjálfu-stöðinni. Búningar og fylgihlutir á staðnum til að gera góða mynd enn skemmtilegri!
Borgarbókasafnið í 100 ár - Saga safnsins
Kl. 13:00 - 20:00 | 1. hæð (Torgið)
Áttu skemmtilegar minningar af bókasafninu frá seinustu öld? Heimildarmynd, sem gerð var í tilefni 100 ára afmælis Borgarbókasafnsins, verður sýnd á Torginu 4x á klukkustund. Einnig verður hægt að skoða ljósmyndir og nokkra muni frá liðnum tíma.
Jóga fyrir leikglaða krakka
Kl. 13:30 - 14:00 | 2. hæð
Gleði, leikur og slökun verða í fyrirrúmi í jóga ætlað allri fjölskyldunni. María Ásmundsdóttir Shanko jógakennari tekur vel á móti börnum og aðstandendum þeirra sem vilja eiga saman góða stund í notalegu umhverfi.
Blaðrarinn
Kl. 14:00 - 15:00 | 1. hæð (Bókatorgið)
Langar þig að eignast hund, mörgæs eða frosk? Blaðrarinn sýnir listir sínar og útbýr uppáhalds blöðrudýrið þitt og önnur skemmtileg listaverk úr blöðrum.
Manga teikninámskeið fyrir byrjendur á öllum aldri
Kl. 15:00 - 16:00 | 5. hæð
Á þessu stutta námskeiði mun Momiji Sensei kenna grundvallartækni og meginreglur mangateikningar, teiknimynda ættuðum frá Japan. Hún mun leiða þig í gegnum ferlið með ítarlegum leiðbeiningum og kenna þér hvernig á að teikna svipmiklar persónur.
Engin þörf á reynslu í teikningu!
Hvað á að taka með: blýanta, penna, strokleður og skissubók/glósubók.Skipuleggjendur munu einnig útvega penna og pappír en í takmörkuðu magni.
Ókeypis aðgangur, en vegna takmarkaðs sætafjölda er skráning nauðsynleg.
Smelltu hér til að skrá þig.
Jóga fyrir leikglaða krakka
Kl. 15:15 - 15:45 | 2. hæð
Gleði, leikur og slökun verða í fyrirrúmi í jóga ætlað allri fjölskyldunni. María Ásmundsdóttir Shanko jógakennari tekur vel á móti börnum og aðstandendum þeirra sem vilja eiga saman góða stund í notalegu umhverfi.
AfmælisTeiti með Teiti
Kl. 15:00 - 16:00 | 1. hæð (Bókatorg)
Það verður mikið stuð þegar tónlistarmaðurinn geðþekki, Teitur Magnússon, mætir og þeytir skífum. Farið verður í klassíska krakkaleiki fyrir alla aldurshópa, stoppdans, stólaleik og fleira skemmtilegt.
Pöbb kviss með Andra og Andra
Kl. 16:30 - 17:30 | 1. hæð (Torgið)
Félagarnir frábæru, Andri Freyr Hilmarsson og Andri Freyr Viðarsson, verða með pöbb kviss spurningakeppni og lofa mikilli skemmtun. Þemað er Reykjavík sem fagnar 237 ára afmæli sínu 18. ágúst, daginn fyrir Menningarnótt. Vinningsliðið hlýtur vegleg verðlaun!
Manga teikninámskeið fyrir byrjendur
Kl. 17:00 - 18:00 | 5. hæð
Á þessu námskeiði verður farið yfir grundvallartækni og meginreglur mangateikningar. Reyndur leiðbeinandi okkar, Momiji Sensei, mun leiða þig í gegnum ferlið með ítarlegum leiðbeiningum og kenna þér hvernig á að búa til svipmiklar persónur. Engin þörf á reynslu í teikningu!
Hvað á að taka með? Blýanta, penna, strokleður og skissubók.
Skipuleggjendur munu einnig útvega penna og pappír en í takmörkuðu magni.
Ókeypis aðgangur, en vegna takmarkaðs sætafjölda er forskráning nauðsynleg.
Smelltu hér til að skrá þig.
„Algóreif“
Kl. 18:30 - 19:30 | 1. hæð (Bókatorgið)
Þau Celeste og Lil Data kynna fyrir gestum hvernig hægt er að knýja fram tónlist og myndir með kóðun í beinni (e. Live coding). Taktu sporið í „algóritmísku reifi“ á bókasafninu!
Hljóðlátt diskó
Kl. 20:00 - 22:00 | 1. hæð (Bókatorgið)
Það verður líf og fjör í þögninni á bókasafninu þegar boðið verður upp á hljóðlátt diskó, nýstárlega og skemmtilega leið til að upplifa tónlist saman. Partýgestir fá þráðlaus heyrnartól og geta flakkað á milli rása og valið tónlist að sínu skapi.
Nánari upplýsingar veitir:
Guðrún Elísa Ragnarsdóttir, sérfræðingur
gudrun.elisa.ragnarsdottir@reykjavik.is | 411 6100