BORGARBÓKASAFNIÐ
Ertu með eitthvað á prjónunum? Ertu að hekla fallegt sjal eða sauma út púða?
Þegar hlátrasköllin glymja og þjóðfélagsmál, jafnt sem dægurmál eru brotin til mergjar, þá er að öllum líkindum hannyrðastund á bókasafninu. Öll sem vilja, byrjendur og lengra komin, eru velkomin í þessar notalegu stundir. Við spjöllum um daginn og veginn, fáum okkur kaffi og sinnum handavinnunni í góðum félagsskap.
Hægt er að fylgjast með dagskránni í viðburðadagatalinu okkar hér á heimasíðunni eða á Facebook. Engin skráning - bara mæta!
Við eigum til mikið úrval af alls kyns bókum og tímaritum um handavinnu sem hægt er að sækja innblástur í, lesa á safninu og korthafar geta fengið lánað heim.
Hannyrðastundir alla miðvikudaga frá kl. 13:00 - 15:00, til 24. júní.
Hannyrða- og bókahittingar. Við komum saman á fimmtudögum kl. 15:00 - 1:007 í Hannyrðahorninu á 2. hæð frá september fram í lok apríl.
Lopi og Orð eru notalegar samverustundir á vegum nemenda í íslensku sem annað mál við Háskóla Íslands. Við hittumst á tveggja vikna fresti á sunnudögum frá kl. 15:00 - 16:30 á 2. hæð í Grófinni til 31. maí. Viðburðirnir eru opnir öllum og eru fyrir þau sem vilja æfa sig að tala íslensku í notalegu og afslöppuðu umhverfi.
Hannyrðastundir alla fimmtudaga kl. 13:30 - 14:30, frá september til maí. Við hittumst í blágrænu sófunum á annarri hæðinni, tökum upp handavinnuna, spjöllum og fáum okkur kaffibolla.
Hannyrðastundir alla þriðjudaga kl. 13:00 - 15:00, frá september til maí.
Fjórir hannyrðaklúbbar hittast í Borgarbókasafninu Árbæ en eru allir fullsetnir eins og er.
Þá er um að gera að hafa samband og við finnum honum góðan stað og heppilega tímasetningu.
Einnig geta „heimilislausir“ hannyrðaklúbbar tyllt sér niður á safn að eigin vali þegar grípa á í prjónana eða útsauminn. Gott er þó að tala við starfsmann áður ef hópurinn er fjölmennur til að vera viss um að það skarist ekki á við aðra dagskrá í húsinu.
Nánari upplýsingar veita starfsmenn á söfnunum en einnig er hægt að hringja eða senda línu í tölvupósti á borgarbokasafn@borgarbokasafn.is.