Opið samtal í Hugmyndaþorpi
Við störfum flest í umhverfi þar sem samstarfsaðilar eða skjólstæðingar eru með ólík móðurmál. Þar geta skapast tungumálaflækjur í samskiptum. Hvaða tungumál er best að nota svo allir upplifi að þeir séu hluti af vinnustaðnum? Hvaða leiðir höfum við til að greiða úr flækjum? Þróunarvinna hófst í samstarfi við Hugmyndaþorpið og lýðræðisvettvangurinn Opið samtal tímabundið færður yfir í umhverfi Hugmyndaþorpsins. Þar ræddum við hlutlaus tungumál í fjölbreyttum starfsumhverfum eins og til dæmis hjá Reykjavíkurborg rétt eins og hjá nágrönnum okkar í hafnar.haus.
Opið samtal hófst á Torginu í Grófinni á því að skrásetja áskoranir, hugmyndir og verkefni sem þegar eru til. Margir áhugaverðir punktar komu fram sem okkur fannst þess virði að skoða nánar og jafnvel deila með fleirum á vettvangi Hugmyndaþorpsins:
Þátttakendur voru hvattir til að skrá sig inn og merkja þær áskoranir og hugmyndir sem skiptu þau máli með hjarta. Einnig gátu nýir þátttakendur bæst við á hinum stafræna vettvangi með því að skanna QR-kóða í rými bókasafnsins eða skrá sig beint inn á vettvanginn.
Borgarbókasafnið er að prófa sig áfram með nýjar leiðir til að virkja ólíka hópa samfélagsins í lýðræðislegri samsköpun og skrásetja útkomuna með þeim hætti að stutt sé við tengslanet þátttakenda og möguleika á skapandi samstarfi þeirra á milli. Að flétta stafrænan vettvang Hugmyndaþorpsins saman við hefðbundnari opin rými líkt og bókasafnið er spennandi samfélagsleg tilraun, og aðkallandi í heimi sem verður sífellt háðari hinni stafrænu vídd.
Viltu vita meira um Opið samtal? Þetta er vettvangur fyrir heiðarleg og opin samskipti. Hér könnum við ólík samræðuform og í sameiningu lærum við nýjar leiðir til að ræða málefni sem standa okkur nærri.
Frekar upplýsingar
Dögg Sigmarsdóttir
Verkefnastjóri | Borgaraleg þátttaka
dogg.sigmarsdottir@reykjavik.is