Smátextar | Tuttugasti og áttundi október
Tuttugasti og áttundi október
Mig dreymir um að komast
í samband við þig
þarna fyrir handan.
Þú átt afmæli í dag.
Ég stend þögul
og hrópa orðlaust
því ég veit þú ert hérna
allt um kring.
Þörf mín til að lifa og njóta,
upplifa ósvikna ást
í þessum heimi
er enn sterk.
Drekk í mig lífið
sem var hrifsað frá þér
svo óundirbúið.
Hætt að flýja.
Syntu burt
að eilífu
sanni, óviðjafnanlegi sjafni.
Hvíl þú í friði.
Og til hamingju með daginn.
Höfundur: Katrín Björk Kristinsdóttir