Um þennan viðburð
Indland í brennidepli II | Indverska heimspekin að baki AUM og orka ómsins
Að óma og fara með möntrur á sanskrít hjálpar okkur að líða vel og auka tilfinningalega og andlega orku. Silpha Khatri Babbar gefur okkur innsýn í indversku heimspekina að baki AUM, hljóðsins sem leiddi til sköpunar heimsins. Öll áhugasöm hjartanlega velkomin og engrar kunnáttu í Hindi eða Sanskrít krafist.
Fyrirlesturinn fer fram á ensku.
Shilpa er félagsfræðingur og hefur starfað sem háskólakennari í 25 ár. Hún hefur verið gestakennari og formaður indverskra fræða við Háskóla Íslands frá árinu 2022 á vegum ICCR – Indian Council for Cultural Relations.
Shilpa heldur fyrirlestra í Borgarbókasafninu Grófinni, þrjá laugardaga í mars. Fyrir henni er Indland ekki einungis staður á landakortinu heldur líkt og perluband sem myndar þá andlegu, menningarlegu, félagslegu og heimspekilegu þætti sem hafa lagt grunninn að ævafornum siðum og hefðum sem enn eru við lýði í Indlandi. Í fyrirlestrunum mun hún kynna fyrir okkur jógahugtakið, indversku heimspekina að baki AUM, lækningakerfið Ayurveda og indverska matarmenningu.
Næsti fyrirlestur:
Indland í brennidepli III | Allt um Ayurveda, framandi krydd og jurtir
Laugardagur, 16. mars kl. 15:00 – 16:00
Nánari upplýsingar veitir:
Guðrún Dís Jónatansdóttir, deildarstjóri miðlunar
gudrun.dis.jonatansdottir@reykjavik.is | 411 6115