Páskaopnun

Kæru notendur, sjö af átta söfnum Borgarbókasafnsins verða lokuð alla páskahátíðina, að laugardeginum 4. apríl meðtöldum.

Borgarbókasafnið Úlfarsárdal verður opið án afgreiðslu á opnunartíma Dalslaugar og því tilvalið að gera sér glaðan dag í fríinu, skella sér í sund og slaka svo vel á, á bókasafninu á eftir.

Opnunartíma sundlaugarinnar má finna hér https://reykjavik.is/sundlaugar/afgreidslutimi

Hefðbundinn opnunartími á öllum bókasöfnum þriðjudag og miðvikudag í þessari viku og því öll hvött til að ná sér í góða bók, borðspil eða vínylplötu til að njóta yfir hátíðarnar, á meðan nartað er í súkkulaðiegg.