Langar þig að slást í hópinn okkar í Gerðubergi?
Borgarbókasafnið Gerðubergi auglýsir eftir bókaverði í 80% starfshlutfall.
Við leitum af jákvæðu, sveigjanlegu og vandvirku fólki með ríka þjónustulund sem þrífst vel í lifandi og fjölbreyttu umhverfi.
Helstu verkefni og ábyrgð:
- Þjónustuvaktir á safni
- Frágangur og viðgerð safngagna
- Þátttaka í teymum og aðstoð við viðburði
- Móttaka hópa og aðstoð við leiðsagnir um safnið
- Ábyrgð á trúnaðarupplýsingum, þ.e. upplýsingum um persónuhagi og útlán notenda
- Umsjón og eftirlit með tækjum og búnaði
Hæfniskröfur
- Stúdentspróf eða sambærileg menntun
- Almenn tölvukunnátta og færni í notkun samfélagsmiðla
- Færni í mannlegum samskiptum, sveigjanleiki og rík þjónustulund
- Frumkvæði, sveigjanleiki, jákvæðni og sjálfstæð vinnubrögð.
- Reynsla af þjónustustörfum æskileg
Nánari upplýsingar um starfið
Borgarbókasafnið í Gerðubergi er opið flesta daga ársins og skipta starfsmenn með sér kvöld- og helgarvöktum.
Launakjör eru samkvæmt kjarasamningi Reykjavíkurborgar og viðkomandi stéttarfélags.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er. Borgarbókasafn er auk þess með regnbogavottun Reykjavíkurborgar.
Forsenda ráðningar er að aflað verði upplýsinga frá Sakaskrá ríkisins, að fengnu upplýstu samþykki umsækjanda, í því skyni að uppfylla skilyrði laga og ráðningaraðila fyrir ráðningu í starfið.
Nánari upplýsingar veitir:
Ilmur Dögg Gísladóttir, deildarstjóri Borgarbókasafnsins Gerðubergi
ilmur.dogg.gisladottir@reykjavik.is