Um þennan viðburð
Sýning | Uppspretta
Verið velkomin á sýningu listakonunnar Jónu Berg Andrésdóttur, Uppsprettu, á Borgarbókasafninu Spönginni.
Jóna sýnir þar olíu- og vatnslitamyndir. Hugmyndir sínar sækir Jóna í land og náttúru sem hún þekkir vel eftir búsetu í Eyjum og margar ferðir um landið, en uppsprettan kemur líka úr dýraríkinu og mannlífinu, ekki síst úr hennar nánasta ranni.
Jóna hefur fengist við listmálun frá unga aldri og á að baki fjölbreytt nám í listum, meðal annars í Handíða- og myndlistarskóla Reykjavíkur, Mími og Myndlistarskóla Kópavogs. Jóna stundar nú listmálun í Borgum hjá Pétri Halldórssyni leiðbeinanda.
Verið velkomin á opnun sýningarinnar, laugardaginn 30. nóvember kl. 14-16!
Sýninguna má skoða á opnunartíma safnsins, mán-fim 10-18, fös 11-18 og lau 11-16.