Kærleiksorðræða | Upplestur
Búum til ný íslensk orð. Hvaða orð finnst þér vanta? Skapaðu tungumálið með okkur! Leikum okkur með orðin og segjum upphátt það sem er okkur kært - hvaða orð viljum við heyra?
Á upplestri nýrra orða er öllum velkomið að taka til máls og lesa upp eigin orð.
Viðburðurinn er hluti verkefnisins Kærleiksorðræða, sem er verkfæri til að þróa opnara málsamfélag og virðingarfyllri samskipti.
Íslenskan er mál okkar allra rétt eins og baráttan gegn hatursorðræðu og fyrir meiri kærleik í samskiptum. Mörgum er ekki alltaf ljóst hvort þau beiti hatursorðræðu, en það ætti ekki vefjast fyrir neinum þegar talað er af kærleik. Hér verður til samansafn orða sem uxu í slíku umhverfi.
Öll velkomin, þátttaka ókeypis
Verkefnið er styrkt af Þróunarsjóði innflytjendamála.
Frekari upplýsingar veitir:
Dögg Sigmarsdóttir
Verkefnastjórn | Borgaraleg þátttaka
dogg.sigmarsdottir@reykjavik.is