Um þennan viðburð
Sýning | Listaverkaveggurinn afhjúpaður í fyrsta sinn
Nú er loksins komið að því að afhjúpa listaverkavegginn í Borgarbókasafninu í Úlfarsárdal!
Listaverkaveggurinn er samstarfsverkefni Borgarbókasafnsins og Listasafns Reykjavíkur.
Einn veggur á safninu er helgaður tímabundnum sýningum á verki eða verkum úr safneign Listasafns Reykjavíkur.
Listasafn Reykjavíkur býður upp á fjölbreyttar innlendar og alþjóðlegar sýningar á nútíma- og samtímalist eftir virta íslenska og erlenda listamenn. Safnið er einnig vettvangur fyrir ungt og upprennandi hæfileikafólk. Safnið hefur í fórum sínum mörg af þekktustu verkum íslenskra listamanna en í heildarsafneign þess eru rúmlega sautján þúsund verk.
Fyrsta verkið er eftir listamanninn Sigurð Árna Sigurðsson (f. 1963) og nefnist Rautt samhengi (2018). Verkið er lágmynd, skúlptúr sem hangir á vegg og virkar bæði tvívíður og þrívíður. Þar má sjá skemmtilegt samspil verksins sjálfs og skugganna sem það varpar á vegginn.
Öll velkomin - Sjón er sögu ríkari!
Nánari upplýsingar veita:
Stella Sif Jónsdóttir, sérfræðingur - viðburðir og fræðsludagskrá:
stella.sif.jonsdottir@reykjavik.is
Unnar Geir Unnarsson, deildarstjóri: