Um þennan viðburð
Sögur - Bókaverðlaun barnanna | Tilnefningarhátíð
Okkur langar til þess að bjóða bókelskandi barnafjölskyldum og öðrum bókaormum í æsispennandi og fjöruga hátíð.
Við tilkynnum hvaða fimm íslenskar og fimm þýddar bækur börnin völdu sem skemmtilegustu, áhugaverðustu og bestu bækur síðasta árs. Í framhaldinu munum við svo verðlauna 10 heppin börn sem tóku þátt í Bókaverðlaunum barnanna.
Á hátíðinni verða Sögur – verðlaunahátíð barnanna formlega opnuð, þar sem börnin verðlauna meðal annars það menningarefni sem þeim finnst hafa skarað fram úr á liðnu ári. Á Sögur – verðlaunahátíð barnanna eru veitt verðlaun fyrir lag og texta ársins, tónlistarflytjanda ársins, barnabók ársins, íslenska eða þýdda og svo mætti lengi telja.
Í lokin verður boðið upp á skemmtiatriði, en nánari upplýsingar um þau eru væntanlegar.
Komið og fagnið með okkur!
Nánari upplýsingar veitir:
Ingibjörg Ösp Óttarsdóttir, verkefnastjóri barna- og unglingastarfs
ingibjorg.osp.ottarsdottir@reykjavik.is | 411-6146