Um þennan viðburð
Netviðburður | Það er allt í lagi að leggja sig um jólin
Verið velkomin í Lífstílskaffi!
Við bjóðum ykkur á tónleika og spjall í beinni með hljómsveitinni Evu.
Hér má skoða tónleikana og margt fleira skemmtilegt: www.facebook.com/Borgarbokasafnid/live
Hljómsveitin Eva hefur rannsakað samfélagsmeinið kulnun og flytur okkur fróðlegan og afslappandi fyrirlestur í tali og tónum.
Sigga, helmingur hljómsveitarinnar, lenti í því að brenna út, kulna. Hún vann yfir sig, tók of mikið að sér og endaði í kulnun, sem hún vissi varla hvað var á þeim tíma. Þær gripu tækifærið og fóru að rannsaka þetta samfélagsmein og komust að því að Sigga er ekki ein. Af hverju erum við svona yfirkeyrð? Er ekki passlegt að vinna fulla vinnu, sjá um heimilið, fara í ræktina og stunda núvitund, kaupa inn og fara með bílinn í skoðun? Er þetta nokkuð mál?
Hljómsveitin Eva samanstendur af tónlistarkonunum og sviðshöfundunum Sigríði Eir Zophoníasardóttur og Völu Höskuldsdóttur. Hljómsveitin Eva er þekkt fyrir töfrandi og líflega framkomu sem kemur áheyrendum sífellt á óvart, kitlar hláturtaugarnar og snertir hjörtun um leið.
Sjá aðventu- og jóladagskrá Borgarbókasafnsins