Um þennan viðburð
Barnamenningarhátíð | Emoji-kviss og Spilavinir
Komið og keppið í emoji-kvissi með bókaþema í tilefni Barnamenningarhátíðar. Spilavinir mæta í kjölfarið og bjóða upp á spilakennslu.
Emoji-kviss er skemmtileg spurningakeppni þar sem birtar eru myndir á skjá með tjáknum, sem er íslenska heitið yfir Emoji. Hvert lið skrifar niður svör sín um hvaða bókatitil er að ræða. Til að mynda er svarið við þessari spurningu sagan um grísina þrjá.
Miðað er við eitt til þrjú börn í hverju liði og það er velkomið að hafa einhvern fullorðinn með til stuðnings, sérstaklega fyrir börn 11 ára eða yngri.
Gert verður stutt hlé eftir að spurningar eru bornar upp á meðan viðburðahaldarar fara yfir svarblöðin. Á meðan er tilvalið að kíkja á bækur eða spil og og fá sér kaffibolla. Spurningakeppninni lýkur kl. 14 og þá mæta Spilavinir á svæðið og bjóða upp á spilakennslu.
Frábær skemmtun fyrir alla fjölskylduna og fyrsta flokks vinningar í boði fyrir þau sem lenda í efstu sætunum!
Sjá dagskrá Borgarbókasafnsins á Barnamenningarhátíð
Sjá vefsíðu Barnamenningarhátíðar
Nánari upplýsingar veita:
Brynhildur Lea Ragnarsdóttir, barnabókavörður
brynhildur.lea.ragnarsdottir@reykjavik.is | 411 6200
Hólmfríður María Bjarnardóttir, sérfræðingur
holmfridur.maria.bjarnardottir@reykjavik.is | 411 6202