Skemman | Hlaðvarps- og margmiðlunaraðstaða 

Skemman er fullbúið hlaðvarpsstúdíó og margmiðlunaraðstaða í Borgarbókasafninu í Úlfarsárdal.

Notendur bókasafnsins geta bókað Skemmuna og notað upptökubúnað safnins til að taka upp hlaðvarp sér að kostnaðarlausu. Í Skemmunni er einnig að finna þrífót fyrir farsíma, grænan bakgrunn fyrir upptökur og LED stúdíó ljós.

Í bókunarforminu hér fyrir neðan er hægt að bóka tíma í Skemmunni

• Skemman er opin frá 10-18 alla virka daga.
• Notendum er frjálst að bóka allt að fjórar klukkustundir í senn, mest tvisvar í viku.
• Notendur þurfa að hafa gilt bókasafnskort hjá Borgarbókasafninu til að nýta sér aðstöðuna.

(Ef þú vilt athuga hvort kortið þitt sé í gildi getur þú skráð þig inn á „Mínar síður“ hér efst á síðunni. Ef kortið er útrunnið verður þér boðið að endurnýja gildistímann.)

Bóka núna

Tæknilegar upplýsingar um hlaðvarpsbúnað

Í hlaðvarpsaðstöðunni í Úlfarsárdal býðst fólki að taka upp allt að þrjá viðmælendur í senn, hver með sinn hljóðnema. Hægt er að tengja síma eða önnur snjalltæki við RØDECaster Pro II upptökutækið í gegnum Bluetooth og er þá hægt að spila hljóðbrot beint af þeim tækjum. Einnig er hægt að tengja tölvu í gegnum USB-C tengi og spila hljóð af henni.

Í hlaðvarpsaðstöðunni í Úlfarsárdal er að finna:

• RØDECaster Pro II upptökutæki
• Þrír Shure SM58 hljóðnemar
• Þrjú heyrnartól
   

Hljóðverið í Úlfarsárdal

Á Borgarbókasafninu í Úlfarsárdal er einnig að finna fullbúið hljóðver en þar býðst fólki aðgangur að tölvu og hátölurum sem hægt er að nýta til eftirvinnslu.

Smiðjan |  Fundar- og námskeiðarými 

Smiðjan er rými þar sem við bjóðum upp á minni námskeið, smiðjur og fræðsluerindi fyrir börn, unglinga og fullorðna og notendur geta lært saman eða bókað fyrir fundi. Í Smiðjunni er vaskur og stór skjár og hægt er að stækka rýmið með því að opna fram í aðalrýmið eða inn í tölvuverið.

Nánari upplýsingar veitir:
Þorgrímur Þorsteinsson
Netfang: thorgrimur.thorsteinsson@reykjavik.is