Tónlist
Tónleikar með Ástu
Fimmtudagur 18. júní 2020
Ásta Kristín Pjetursdóttir heldur sumartónleika á bókasafninu í Spönginni!
Plata Ástu, Sykurbað, var valin plata ársins í flokki þjóðlaga- og heimstónlistar Íslensku tónlistarverðlaunanna 2020. Platan kom út í fyrra og hefur hlotið einróma lof, hana má meðal annars nálgast á Spotify.
Ásta er klassískt menntaður víóluleikari og hefur leikið m.a. með Sinfóníuhljómsveit Íslands og Fílharmóníusveit Kaupmannahafnar. Síðustu ár hefur hún fært sig inn á svið dægurlagasmíðar og lenti í 3. sæti Músíktilrauna árið 2019. Hún hefur verið iðin við að koma fram og hefur heillað tónleikagesti á öllum aldri með einlægum flutningi sínum og söng.
Frístundamiðstöðin Gufunesbær og Borgarbókasafnið standa að viðburðinum.
Verið öll velkomin!