Sýning | Gleðin
Gía, eins og Gígja Guðfinna Thoroddsen kallar sig, sýnir glænýjar og eldri myndir af fólki og hugmyndum, myndir sem hún vill að gleðji sýningargesti og bregði birtu á vetrarmyrkrið.
Verk Gíu hafa sterka skírskotun í listasöguna, samtímann og samfélagið og sem listamaður er hún í stöðugri þróun hvað varðar myndefni, efnisval og nálgun. Mörg verka hennar byggja á kvenlegri reynslu hennar og reynslu sem notandi geðheilbrigðiskerfisins.
Gía stundaði myndlistarnám hjá Hringi Jóhannessyni og hefur sótt námskeið hérlendis og erlendis. Gía hefur haldið einkasýningar og tekið þátt í samsýningum, hún var listamaður hátíðarinnar Listar án landamæra árið 2017 og helt stóra einkasýningu á Safnasafninu árið 2016.
Sýninguna má skoða á opnunartíma safnsins, mán-fös 12-17 og lau 11-16.
Frekari upplýsingar veitir:
Sigríður Stephensen
sigridur.steinunn.stephensen@reykjavik.is