Um þennan viðburð
Fróðleikskaffi | Garðahönnun 101
Hönnun garða á Íslandi er sannarlega vandaverk, enda aðstæður hér æði sérstakar.
Björn Jóhannsson landslagsarkitekt er sérfræðingur í þessum efnum. Í erindi sínu fjallar hann hönnun garða sem henta íslenskum aðstæðum. Farið verður yfir helstu þætti sem gott er að hafa í huga og hvaða upplýsingum þarf að safna saman þegar hanna á garð, hvort sem um nýjan eða gamlan garð er að ræða. Veðurfar, aðstæður og hvernig nálgast má hvert verkefni verður til umræðu sem og hvaða tæki, tól, forrit og öpp gagnast við hönnunina. Í lokin sýnir Björn teikningar og myndir frá skemmtilegum verkefnum sem hann hefur fengist við.
Björn Jóhannsson landslagsarkitekt hefur hannað garða á Íslandi síðastliðin 30 ár. Hann lærði í Suður Englandi í kringum 1990, en hefur einnig unnið að verkefnum í Svíþjóð og á Spáni.
Garðaáhugafólk ætti ekki að láta þennan viðburð fram hjá sér fara enda Björn hafsjór af fróðleik og reynslu.
Nánari upplýsingar veita:
Katrín Guðmundsdóttir
katrin.gudmundsdottir@reykjavik.is
s. 411 6250
Björn Jóhannsson, landslagsarkitekt
bjorn@urbanbeat.is
s. 823-0001