Um þennan viðburð
Vinsamlegast gangið á grasinu | Plöntuleiðangur
Skráning er á allflesta viðburði Borgarbókasafnsins og er sóttvarnarreglum fylgt í hvívetna.
Staðsetning viðburðar: Hittumst á neðri hæð Gerðubergs
Hámarksfjöldi þátttakenda: 15. Sjá skráningarform neðst á síðunni.
Kaffihúsið er opið.
Frú Vigdís Finnbogadóttir hafði mikinn áhuga á skógrækt og plantaði trjám á öllum stöðum sem hún heimsótti á Íslandi. Agnes Ársælsdóttir, myndlistarmaður, fer með okkur í forvitnilegan plöntuleiðangur um nágrenni Gerðubergs.
Agnes Ársælsdóttir vinnur með samkennd og kímni í verkum sínum sem taka ýmist mynd í gjörningum eða textíl. Í verkunum kannar hún tengsl mannsins við umhverfi sitt með því að höfða til skynfæranna á óhefbundinn hátt. Agnes útskrifaðist með BA gráðu í myndlist frá Listaháskóla Ísland árið 2018, verk hennar hafa verið sýnd bæði hérlendis og erlendis.
Á sýningunni Heimsókn til Vigdísar er gestum á öllum aldri boðið að ganga inn í söguheim bókarinnar Vigdís – Bókin um fyrsta konuforsetann. Rán Flygenring, rit- og myndhöfundur, hannar sýninguna í samstarfi við Emblu Vigfúsdóttur sýningarstjóra. Segja má að veröld Vigdísar Finnbogadóttur, sem var fyrst kvenna kjörin forseti í heiminum, lifni við og gestir fá að kíkja í heimsókn og spegla sig í þeim gildum sem hún hefur alla tíð lagt svo mikla áherslu á, jafnt í lífi sem starfi. Sjón er sögu ríkari!
Sjá nánari upplýsingar um sýninguna.
Viðburðurinn á Facebook.
Myllumerki sýningarinnar: #heimsókntilvigdísar
Nánari upplýsingar veitir:
Svanhildur Halla Haraldsdóttir, deildarbókavörður
Svanhildur.Halla.Haraldsdottir@reykjavik.is