Forsíðumyndin af þér | Teiknismiðja
Skráning er á allflesta viðburði Borgarbókasafnsins og er sóttvarnarreglum fylgt í hvívetna.
Staðsetning viðburðar: Salurinn BERG, á efri hæð.
Hámarksfjöldi þátttakenda: 16. Sjá skráningarform neðst á síðunni.
Boðið er upp á að bóka fjölskylduborð.
Kaffihúsið er opið.
Hvernig verður forsíðumyndin á bókinni um þig? Og hvaða starfi munt þú gegna í framtíðinni? Ertu síðasti sturtusöngvarinn eða fyrsti tréknúsarinn?
Rán Flygenring, rit- og myndhöfundur, leiðir skemmtilega smiðju fyrir 6-12 ára börn á opnunardegi sýningarinnar Heimsókn til Vigdísar sem byggð er á höfundaverki Ránar, Vigdís – Bókin um fyrsta konuforsetann. Yngri börnin þurfa að vera í fylgd með fullorðnum.
Allt efni á staðnum.
Á sýningunni Heimsókn til Vigdísar er gestum á öllum aldri boðið að ganga inn í söguheim bókarinnar Vigdís – Bókin um fyrsta konuforsetann. Rán Flygenring, rit- og myndhöfundur, hannar sýninguna í samstarfi við Emblu Vigfúsdóttur sýningarstjóra. Segja má að veröld Vigdísar Finnbogadóttur, sem var fyrst kvenna kjörin forseti í heiminum, lifni við og gestir fá að kíkja í heimsókn og spegla sig í þeim gildum sem hún hefur alla tíð lagt svo mikla áherslu á, jafnt í lífi sem starfi. Sjón er sögu ríkari!
Sjá nánari upplýsingar um sýninguna..
Myllumerki sýningarinnar: #heimsókntilvigdísar
Smellið hér til að lesa um ævi og störf Vigdísar Finnbogadóttur…
Nánari upplýsingar veitir:
Ilmur Dögg Gísladóttir, deildarstjóri
ilmur.dogg.gisladottir@reykjavik.is