Í skýrslunni er fjallað almennt um jarðsögu og jarðfræðilega byggingu þeirra svæða sem Kárahnjúkavirkjun hefur áhrif á. Aðaláhersla er á að lýsa jarðfræði hálendisins inn af Jökuldal og Fljótsdal, en jafnframt er lýst lauslega helstu þáttum í jarðfræði alls vatnasviðsins að ósum Jökulsár á Dal og Lagarfljóts. Jarðmyndunum Austurlands er raðað inn í klassíska tímatöflu jarðfræðinnar. Með textanum er kort sem varpar ljósi á jarðsögu Vesturöræfa og Hrauna og berggrunnskort af því svæði í mælikvarðanum 1:200.000. Skýrslan er skrifuð í tengslum við umhverfismat Kárahnúkavirkjunar