Ása Guðmundsdóttir Wright var glæsileg íslensk læknisdóttir sem hélt ung til Englands og gekk þar fyrir Bretakonung í hópi breskra yfirstéttarstúlkna. Hún giftist og lifði lífi hefðarfrúar í Cornwall, var ritskoðari á stríðsárunum en síðan eignuðust þau hjónin búgarð á hitabeltiseynni Trínidad og lifðu þar skrautlegu og óhefðbundnu lífi. Í ellinni stóð hún að stofnun náttúruverndarsvæðis á búgarðinum. Saga Ásu er saga stórmerkrar konu sem ekki batt bagga sína sömu hnútum og samferðamenn og sat ekki alltaf á friðarstóli. (Heimild: Bókatíðindi)