Njóta nemendur með þroskahömlun sambærilegrar menntunar á við ófatlaða nemendur? Hvaða kröfur eru gerðar til þeirra í námi og hegðun? Hvernig er kennslan, námsskipulagið og námsmatið? Hvernig er félagslegum samskiptum nem enda háttað? Hvert er samstarf skóla við foreldra, sérfræðinga og aðrar stofnanir? Hvernig er staðið að undirbúningi undir starf? Hvernig skilja starfsmenn og for eldrar námsmöguleika nemenda með þroska hömlun? Bókin gerir grein fyrir rannsókn sem leitaði svara við ofangreindum spurningum – og mörgum fleiri. Hún var unnin af hópi rannsakenda frá KHÍ, foreldra nemenda með þroskahömlun og kennara af öllum skólastigum. Niðurstöður rannsóknarinnar sýna meðal annars að það sem virðist greiða fyrir því að þessir nemendur fái menntun við hæfi í flestum almennum skólum er að þeir séu velkomnir í skólann, að fáir nemendur séu á hvern kennara, unnið sé fagmannlega með nemendur og að menning skólans mótist af umhyggju og stuðningi. (Heimild: Bókatíðindi)