Dægurflugur í hádeginu I Kjalar syngur Bítlana

Borgarbókasafnið Gerðubergi 26. janúar kl. 12:15-13:00
Borgarbókasafnið Spönginni 27. janúar kl. 13:15-14:00

Píanóleikarinn og söngvarinn Kjalar Martinsson Kollmar og kontrabassaleikarinn Leifur Gunnarsson flytja sín uppáhalds Bítlalög á fyrstu tónleikum tónleikaraðarinnar Dægurflugur í hádeginu. Verður gripið í verk þvert á feril hljómsveitarinnar með það að leiðarljósi að taka saman huggulega dagskrá með frekar óhefðbundinni hljóðfæraskipan.

Kjalar er söngvari og tónlistarmaður sem hefur í gegnum tíðina tekið að sér margvísleg verkefni. Hann hefur vakið athygli fyrir þátttöku sína í Idol stjörnuleit og Söngvakeppni sjónvarpsins en einnig hefur hann verið ötull í jazz senunni. Kjalar er einnig mikill aðdáandi Bítlana og er því efnisskráin mjög við hæfi. 

Dægurflugur í hádeginu er ný tónleikaröð sem Borgarbókasafnið stendur fyrir í samstarfi við Leif Gunnarsson kontrabassaleikara. Þar koma fram allir helstu tónlistarmenn á Íslandi og á tónleikunum gefst Reykvíkingum tækifæri á að koma saman, hitta félaga, njóta tónlistar og spjalla við tónlistarfólkið eftir tónleika. Markmiðið er fyrst og fremst að færa metnaðarfulla tónlist út í hverfi borgarinnar þannig að fólk geti notið hennar í eigin nærumhverfi og á eigin forsendum. 

Listræn stjórnun tónleikaraðarinnar er í höndum Leifs Gunnarssonar. Nánar um Leif hér: www.lgtonar.com
Frítt er inn á tónleikana og öll hjartanlega velkomin.

Nánari upplýsingar veita:
Leifur Gunnarsson
leifurgunnarsson@gmail.com | s. 868 9048

Hólmfríður Ólafsdóttir, verkefnastjóri
holmfridur.olafsdottir@reykjavik.is | s. 868 1851